ბაკურიანიდან გუდაურამდე

საქართველის ჩემპიონატი სამთო-სათხილამურო სპორტში იანვარში ბაკურიანში საზეიმოდ გაიხსნა და სულ ახლახანს გუდაურის მთებში დასრულდა.

 ჩემპიონატი ხუთ ეტაპად გაიმართა სამ ასაკობრივ ჯგუფში და ორ დისციპლინაში, სალაამსა და გიგანტში. ჩემპიონატში ბაკურიანის, აჭარის, სვანეთის, თბილისისა და გუდაურის მცხოვრებლები მონაწილეობდნენ.  

 საუკეთესო ადგილები თითქმის ყველა ეტაპზე და დისციპლინაში ბაკურიანელ სპორტსმენებს ხვდათ წილად. მათვე დააგროვეს უმაღლესი ქულები და გუნდური პირველობაც მოიპოვეს.

 ,,აბუსგარდამავალი თასი 15 წლის ბაკურიანელ სუსანნა გავას ერგო. იგი გახდა საქართველოს აბსოლუტური ჩემპიონიც.

 საქართველოს ჩემპიონატში წარმატებით გამოსული სპორტსმენებისგან დაკომპლექტდა საქართველოს ნაკრებიც 15 სპორტსმენის შემადგენლობით. ისინი ზაფხულში იტალიისა და ავსტრიის თოვლიან ტრასებზე გაივლიან მომზადებას.

ნატალია კოპაძე, ბორჯომი 

No comments:

Post a comment

დატოვე კომენტარი