რატომ არ ენდობა მოსახლეობა ინკასატორებს?!

ახალციხის მოსახლეობა სასმელი წყლის გადასახადს კვლავ ინკასატორების საშუალებით იხდის. თუმცა აბონენტები მათ უნდობლობას უცხადებენ და ამბობენ, რომ წყლის გადასახადსაც ისევე უნდა იხდიდნენ, როგორც ელექტროენერგიისას

 მანანა სარაშვილი, ახალციხე

 საქართველოს გაერთიანებული წყალმომარაგების კომპანიის  ინკასატორები აბონენტებთან სახლში მიდიან და წყლის გადასახადს ხელზე იღებენ.

 კომუნალური გადასახადები ბანკში უნდა გადაიხადო და არა ვინმეს თანხა ხელში მისცე, სად ხდება ასე?! როგორც დენის გადასახადს ვიხდით, ისე უნდა გადავიხადოთ წყლის გადასახადიც. ოფიციალურად ქვითარი მოგვიტანონ და თანხას მითითებულ ბანკში გადავიხდით”, -  ამბობს ასპინძის ქუჩაზე მცხოვრები ქალბატონი.

 ანალოგიურად ფიქრობს ცხრა აპრილის ქუჩაზე მცხოვრები ქალბატონიც. იგი ამატებს, რომ გადასახადს მაშინ გადაიხდის, როცა წყლის მრიცხველი ამუშავდება, წყალი სუფთა იქნება და შეფერხებების გარეშე მიეწოდება მოსახლეობას: ხანდახან კითხვები გვიჩნდება, ვინ არიან და რომელი ორგანიზაციიდან გადასახადის ამკრეფები”.

 საქართველოს გაერთიანებული წყალმომარაგების კომპანიისახალციხის სერვისცენტრის მენეჯერის ზურაბ სადათიერაშვილის თქმით, ინკასატორები, რომლებიც მოსახლეობაში დადიან მათი ორგანიზაციის წარმომადგენლები არიან: მესმის, რომ არ ენდობა მოსახლეობა, მაგრამ მათ აქვთ საბუთები, რომელსაც თითოეულ აბონენტს აცნობენ და იმის მიხედვით ხდება ფულის გადახდა.

 მოსახლეობის უნდობლობა და გაურკვევლობა იმანაც გამოიწვია, რომ შპსსაქართველოს გაერთიანებული წყალმომარაგების კომპანიასსახელი და უფლება-მოვალეობები რამდენჯერმე შეეცვალა.

 ჯერ მოდიან და გვეუბნებიანაღმოსავლეთის წყლებიდანვართო, მერე სხვა ორგანიზაციის სახელი გვითხრეს. თვითონაც არ არიან ჩამოყალიბებული და ჩვენ რა უნდა გავიგოთ, ფულს ვის ვუხდით?!” - ამბობს ლიანა გიქოშვილი.

 გასულ წლამდე ქალაქის წყალმომარაგებას შპსწყალკანალიუზრუნველყოფდა. შარშანწყალკანალიგაუქმდა და ქალაქის წყალმომარაგებაზე ზრუნვა შპსაღმოსავლეთის წყლებსდაევალა. ფაქტობრივად, მოხდა ორგანიზაციის გამსხვილება და ერთმა კომპანიამ აიღო პასუხისმგებლობა საქართველოს რამდენიმე რეგიონზე. მიმდინარე წლის 14 იანვრის შემდეგ კომპანიას სახელი და უფლება-მოვალეობები კვლავ შეეცვალა. ამჟამადსაქართველოს გაერთიანებული წყალმომარაგებისკომპანია ჰქვია და თბილისისა და აჭარის რეგიონის გარდა, მთელ საქართველოს აერთიანებს.

 რაც შეეხება წყლის მრიცხველებს, ისინი მაშინ დამონტაჟდა, როცა ორგანიზაციასაღმოსავლეთის წყლებიერქვა. გამრიცხველიანება 2009 წლის ივლისიდან დაიწყო, სამუშაოები ტენდერში გამარჯვებულმა შპსასტორიამშეასრულა. ოჯახებში იდივიდუალური, ორგანიზაცია-დაწესებულებებში კი კომუნალური მრიცხველები დამონტაჟდა.

 წყლის გადასახადის გადახდა მრიცხველის მონაცემების მიხედვით გასული წლის ოქტომბრიდან უნდა დაწყებულიყო. თუმცა მრიცხველები ჯერ არ ჩართულა.

 მალე ერთი წელი გახდება, რაც მრიცხველები დაამონტაჟეს. გვითხრეს, რომ ოქტომბრის თვეში ჩართავდნენ და წყლის გადასახადსაც იმ თვიდან გადავიხდიდით. ასევე დაგვპირდნენ, რომ წყალი 24 საათი გვექნებოდა და რაც მთავარია, სუფთა”, - ამბობს ლიანა გიქოშვილი.

 ზურაბ სადათიერაშვილი ამბობს, რომ პრობლემის მიზეზი აღნიშნული სამსახურის როგორც სტატუსის, ასევე უფლება_მოვალეობების ხშირი ცვლილებაა: “სანამ მრიცხველები ჩვენს ბალანსზე არ გადმოვა, მანამდე არაფრის თქმა არ შემიძლია. ჯერ-ჯერობით ჩვენთვის უცნობია როდის ჩაირთვება წყლის მრიცხველები”.  

 მანამდე კი მოსახლეობას წყლის გადასახადის გადახდა ყოველთვიურად, ისევ ინკასატორებისთვის მოუწევს. სასმელი წყლის გადასახადი ინდივიდუალურ აბონენტებზე სულადობრივია და ერთ სულზე ერთ ლარსა და 20 თეთრს შეადგენს. 

No comments:

Post a comment

დატოვე კომენტარი