19 მარტს ახალციხის მუნიციპალიტეტის გამგეობის შენობაში “საუკეთესო ხელნაწერში” გამარჯვებული მოსწავლეები დააჯილდოვეს. გამარჯვებულებს სიგელები და ფასიანი საჩუქრები გადეცათ.
“პირველად კონკურსი მაღალი კლასების ბავშვებისთვის ჩატარდა, ტურნირში მეხუთე-მეთორმეტე კლასის მოსწავლეები მონაწილეობდნენ. მათი ნამუშევრები თბილისში, ხელნაწერთა ეროვნულ ცენტრში გადაიგზავნა”, - ამბობს ახალციხის მუნიციპალიტეტის გამგეობის, კულტურის, განათლების, სპორტის, ძეგლთა დაცვისა და ახალგაზრდულ საქმეთა სამსახურის უფროსი იური ზარიძე.
მისივე თქმით, საქართველოს მასშტაბით 1000-ზე მეტი გამარჯვებული ნაშრომიდან 16 ნამუშევარი ახალციხის მუნიციპალიტეტის სკოლების მოსწავლეებს ეკუთვნოდათ: “თბილისში ბავშვებმა კიდევ გაიარეს ანალოგიური კონკურსი მეორე ტურში გადასასვლელად, თუმცა შედეგები ჯერ ცნობილი არ არის”.
პირველი ადგილი ახალციხის მეხუთე საჯარო სკოლის მეოთხე კლასის მოსწავლემ ანანო მოსეშვილმა დაიკავა. მეორე ადგილზე მისი თანაკლასელი ქეთევან ყავრელიშვილი გავიდა, ხოლო მესამე ადგილი პირველი საჯარო სკოლის პირველი კლასის მოსწავლემ სალომე კაჭკაჭიშვილმა დაიკავა.
“მოთხრობა “ახტალა” დავწერე და მოეწონა ჟიურის. სიგელი, მსოფლიო ატლასი და სასურათე გადმომცეს”, - გვითხრა ქეთევან ყავრელიშვილმა.
No comments:
Post a Comment
დატოვე კომენტარი