ანზორ თამარაშვილის წიგნებს კიდევ ერთი, რიგით მეოთხე ნაშრომი - “მსოფლიოს მუსიკალური კულტურა” შეემატა. წიგნში ყველა იმ ქვეყნის მუსიკალური კულტურის შესახებაა მოთხრობილი, რომელთაც მუსიკალური მემკვიდრეობა გააჩნიათ.
მისივე თქმით, ნაშრომი დაეხმარება და დააინტერესებს არა ხოლოდ მუსიკით დაინტერესებულ საზოგადოებას, არამედ მოყვარულებს და საქართველოდან წარგზავნილ დელეგაციებს, რომლებიც სხვადასხვა ქვეყანაში კულტურის კუთხით მიდიან.
მეოთხე წიგნზე ავტორი დაახლოებით ერთი წელი მუშაობდა. მასალები რუსული საბჭოთა და ქართული ენციკლოპედიებიდანაა შეკრებილი. მისი წიგნები ერთადერთია საქართველოში, სადაც ერთადაა თავმოყრილი გადამუშავებული ინფორმაცია მუსიკალური სამყაროსა და კულტურის შესახებ.
“მსოფლიოს მუსიკალური კულტურა” 150 ეგზემპლიარი დაიბეჭდა. მისი გამოცემა დაახლოებით 500 ლარი დაჯდა. მისგან განსხვავებით, 1000 ტირაჟით დაიბეჭდა “მუსიკის ენციკლოპედიური ლექსიკონი”, მეორე გაოცემა, რასაც 5 000 ლარი დასჭირდა. ორივე ნაშრომი ადგილობრივმა მეწარმემ ნუგზარ მაისურაძემ დააფინანსა.
No comments:
Post a Comment
დატოვე კომენტარი