მეორე წრე მარცხით დაიწყო

ახალციხის საფეხბურთო გუნდიმესხეთიპირველ ლიგაში თამაშს ერთ-ერთი საუკეთესო ფეხბურთელის გარეშე განაგრძობს და ამჟამად მე-11 ადგილზეა.  

 თამარ თოთაძე, ახალციხე

 ახალციხის საფეხბურთო გუნდმამესხეთმასაქართველოს ჩემპიონატის პირველი ლიგის პირველი ეტაპი მეთერთმეტე ადგილით დაასრულა. ჩემპიონატის მეორე წრე თებერვალში დაიწყო. “მესხეთმაშავი ზღვის აკადემიის გუნდს უმასპინძლა და შეხვედრა მარცხით დაასრულა.

“1-0 წავაგეთ, დასანანი მარცხი იყო. მაგრამ პირველი თამაში იყო და ფეხბურთელებმა მაინც კარგად ითამაშეს”, - ამბობს ახალციხის საფეხბურთო გუნდის მთავარი მწვრთნელი პაატა გოგოლაძე.

 საქართველოს ჩემპიონატის პირველი ლიგის მეორე ეტაპიმესხეთმასაუკეთესო ფეხბურთელის გარეშე დაიწყო. გუნდის მთავარი მოთამაშე და ბომბარდირი ირაკლი ცნობილაძე სათამაშოდ ქუთაისისტორპედოშიგადავიდა. პაატა გოგოლაძის თქმით, გუნდისთვის ეს სერიოზული დანაკლისია: ცნობილაძე გუნდის მთავარი თავდამსხმელი იყო და პირველ წრეზე რვა გოლი გაიტანა”.

 მისივე თქმით, გუნდის ძირითადი პრობლემა ახლა თავდასხმის ხაზის გაძლიერებაა. იმის გამო, რომ ჩემპიონატის მეორე წრე უკვე დაწყებულია, გუნდიდან გუნდში გადასვლა არ ხდება. ამიტომმესხეთმაგუნდის გაძლიერებაზე საკუთარი ძალებით უნდა იზრუნოს. ერთი თავმდამსხმელი ალბათ გაგვაძლიერებდა. მაგრამ, ისევ ჩვენ ბიჭებს უნდა დავეყრდნოთ და ნათამაშებ ფეხბურთელებზე გავაკეთოთ აქცენტი”.

 ახალციხის საფეხბურთო გუნდი უმაღლესი ლიგიდან უსახსრობის გამო გამოირიცხა. “მესხეთიპირველ ლიგაში ივლისში დააქვეითეს. ამიტომ გუნდმა უმაღლეს ლიგაში გადასასვლელად ბრძოლა თავიდან, მინუს სამი ქულით დაიწყო. ადგილობრივი ბიუჯეტიდან გუნდს ფინანსური დახმარება არც წელს მიუღია. გუნდი ნიკა სარჯველაძის მფლობელობაშია და მთავარი დამფინანსებელიც ის არის.

 დამოუკიდებელი საფეხბურთო კლუბი ვართ და ეს კლუბი გამგეობას არ ეკუთვნის”, - ამბობს პაატა გოგოლაძე.

 მას შემდეგ, რაც საქართველოს ფეხბურთის ფედერაციას ახალი პრეზიდენტი ჰყავს, ახალციხის საფეხბურთო გუნდში არაფერი შეცვლილა, იმ ინვენტარს თუ არ ჩავთვლით, ახალციხელმა სპორტსმენებმა ფედერაციისგან იანვარში რომ მიიღეს.  

სავალალო მდგომარეობაშია ახალციხის ცენტრალური საფეხბურთო სტადიონის საფარიც. ფედერაციის პრეზიდენტი ზვიად სიჭინავა ფეხბურთელებს დაჰპირდა, რომ უახლოეს მომავალში ახალციხის საფეხბურთო გუნდს ხელოვნურსაფარიანი მოედანი ექნება.

 საქართველოს ჩემპონატის პირველი ლიგის მეორე წრეზემესხეთს” 14 თამაში აქვს ჩასატარებელი. აქედან ერთი მატჩი საკუთარ მოედანზე უკვე გაიმართა. ხოლო მომდევნო 7 მარტს ოზურგეთისმერცხალთანარის დაგეგმილი. 

 ამ წრეში შვიდი საკუთარ მოედანზე და შვიდი გასვლითი თამაში უნდა ვითამაშოთ”, - ამბობს პაატა გოგოლაძე და დასძენს, რომ გუნდის წევრები ოპტიმისტურად არიან განწყობილი და იმედოვნებენ, რომ უმაღლეს ლიგაში ისევ მალე გადავლენ.

No comments:

Post a Comment

დატოვე კომენტარი