ოქროს გარგარი

11 ივლისს ერევანში მეშვიდე საერთაშორისო კინოფესტივალიოქროს გარგარიდაიწყო.

კინოფესტივალის გახსნას მსოფლიო კინოს ცნობილი წარმომადგენლები და პოლიტიკური და საზოგადოებრივი მოღვაწეები ესწრებოდნენ. ოფიციალური გახსნის დაწყებამდე სტუმრები სურბ ზორავორის ეკლესიაში ფესტივალის ტრადიციულ კურთხევას დაესწრნენ.
ფესტივალის საპატიო სტუმრებს შორის იყვნენ ცნობილი მსახიობი კლაუდია კარდინალე, ანრი ვერნოს ვაჟიშვილიპატრიკ მალაქიანი, ცნობილი ფრანგი კინოპროდიუსერი ალან ტერზლიანი და მრავალი სხვა ცნობილი ადამიანი.  

ფესტივალი ანრი ვერნოს ფილმისდედასჩვენებით დაიწყო, სადაც ერთ-ერთ მთავარ როლს კლაუდია კარდინალე ასრულებს.

მეშვიდე საერთაშორისო კინოფესტივალმაოქროს გარგარისტანდარტები შეინარჩუნა. სამ პროგრამაშისაერთაშორისო მხატვრული, საერთაშორისო დოკუმენტური ფილმები და სომხური პეიზაჟებიერთმანეთს საუკეთესო ნამუშევრები შეეჯიბრება. საერთაშორისო მხატვრული ფილმების პროგრამაში წელს 13 ფილმი მონაწილეობს, დოკუმენტურში – 14, ხოლო სომხური პეიზაჟების პროგრამაში 17 ფილმია.

პროგრამებს ჟიურის სხვადასხვა შემადგენლობა განსჯის. საერთაშორისო მხატვრული ფილმების პროგრამის ჟიურის ისლანდიელი კინორეჟისორი და პროდიუსერი ფრიდრიხ ტოპ ფრიდრიქსონი უხელმძღვანელებს, დოკუმენტური ფილმების ჟიურის თავმჯდომარე იტალიელი ლუჩიანო ბარიზონე იქნება, ხოლო სომხური პეიზაჟების ჟიურის ხელმძღვანელობა რუს არმენ მადვედევს დაეკისრა.

მეშვიდე საერთაშორისო კინოფესტივალზე წარდგენილ 500 კინოსურათს შორის, ჩვენებისთვის დაახლოებით 120 ფილმი შეირჩა.

შუშან შირინიანი, ახალქალაქი

No comments:

Post a Comment

დატოვე კომენტარი