ია გეგეშიძემ დაამთავრა თბილისის სახელმწიფო უნივერსიტეტის ახალციხის ფილიალის ფილოლოგიის ფაკულტეტი და საქართველოს არნ.ჩიქობავს სახელობის ენათმეცნიერების ინსტიტუტის ასპირანტურა. წლების განმავლობაში ხელმძღვანელობდა საინფორმაციო განყოფილებას ახალციხის დამოუკიდებელ ტელე-კომპანიაში „მეცხრე არხი“.
2003-2004 წლებში იყო ლონდონის დახელოვნების ინსტიტუტის (TLSI) ზოგადი ინგლისური ენის კურსის, ხოლო 2004 წლის თებერვალში სოციალური უნარების კურსის მსმენელი ლონდონში. ფლობდა კემბრიჯის პირველ სერტიფიკატს (FCE).
2005-2007 წლებში მუშაობდა ახალციხის საზოგადოებრივ-პოლიტიკურ გაზეთში „სამხრეთის კარიბჭე“. . 2007-2008 წლებში იყო თბილისის პოლიტიკური სწავლების სკოლის მსმენელი და დემოკრატიის ზაფხულის უნივერსიტეტის მონაწილე სტრასბურგში.
2008 წლის ოქტომბრიდან იყო “სამოქალაქო განვითარების ინსტიტუტის“ მედია-პროექტების მენეჯერი. გამოქვეყნებული აქვს სამასამდე საგაზეთო პუბლიკაცია და ორი სამეცნიერი მასალა.
''სამხრეთის კარიბჭე'' ღრმა მწუხარებას გამოთქვამს ია გეგეშიძის გარდაცვალების გამო. ყველას დაგვაკლდება იას ენერგია, ემოცია, თბილი და ღიმილიანი სახე.
ღმერთმა დაუმკვიდროს ცათა სასუფეველი.
